Staðgreiðsla

Staðgreiðsla skatta verður nú reiknuð í þremur þrepum.

Hér er átt við laun að frádregnu iðgjaldi í lífeyrissjóð. Frá reiknuðum skatti dregst persónuafsláttur, sem er 44.205 kr. Sjómannaafsláttur er óbreyttur, 987 kr. á dag, á árinu 2010.

Staðgreiðsla á vikulaun:

Ef laun eru breytileg er heimilt að jafna þeim milli vikna, innan mánaðarins, þannig að staðgreiðsla mánaðarins verði rétt.

Laun frá fleiri en einum launagreiðanda

Þeir sem hafa laun frá fleiri en einum launagreiðanda þurfa að passa að rétt hlutfall sé notað við útreikning á staðgreiðslu. Fari laun yfir 200.000 kr. hjá einum launagreiðanda þarf að reikna 40,12% staðgreiðslu af launum hjá öðrum launagreiðendum, eða eftir atvikum 46,12%.

Endurreikningur við álagningu

Ef annað hjóna/samskattaðra er með tekjur í efsta þrepi en hitt ekki, er gerð leiðrétting til lækkunar við álagningu, í fyrsta skipti 2011. Ekki þarf að sækja um leiðréttingu, hún er gerð þegar skattframtal er afgreitt. Við þessar aðstæður er einnig hægt að sækja um endurgreiðslu á staðgreiðsluári, sbr. næsta lið.

Umsókn um endurgreiðslu

Ef heildarárstekjur annars hjóna eða samskattaðs aðila nema lægri fjárhæð en 7.800.000 kr. en hitt greiðir á sama tíma staðgreiðslu í efsta þrepi, er hægt að sækja um endurgreiðslu til ríkisskattstjóra að hausti.
Heimilt er þá að endurreikna þá staðgreiðslu sem innt hefur verið af hendi. Þó skal endurgreiðsla aldrei nema lægri fjárhæð en 50.000 kr. eða hærri fjárhæð en 100.000 kr.

Tryggingagjald

Tryggingagjald verður 8,65%, frá 1. janúar 2010.

Fjármagnstekjuskattur

Frá 1. janúar 2010 verður skattur á fjármagnstekjur 18%.
18% staðgreiðsla er innheimt af öllum staðgreiðsluskyldum fjármagnstekjum á árinu 2010, þ.e. arði og vaxtatekjum. Vaxtatekjur sem til falla fyrir 1. janúar 2010 en eru lausar til útborgunar og framtalsskyldar síðar, bera skatta eftir þeim reglum sem áður giltu.
Sjá um frítekjumark í álagningu undir Álagning opinberra gjalda 2011.

Frádráttur vegna hlutabréfakaupa

Menn sem kaupa hlutabréf í nýsköpunarfyrirtæki, sem fengið hefur staðfestingu hjá Rannís, geta dregið allt að 300.000 kr. frá tekjuskattsstofni sínum (600.000 kr. hjá hjónum) vegna kaupanna. RSK mun birta skrá yfir þau félög sem hlotið hafa staðfestingu Rannís.

Skilyrði fyrir frádrættinum er að um sé að ræða hlutafjáaukningu en ekki almenn viðskipti með hlutabréf á markaði og bréfin þurfa að vera í eigu kaupanda yfir þrenn áramót. Ef bréfin eru seld innan þess tíma færist frádrátturinn til tekna á söluári með 10% álagi, þó ekki ef keypt eru önnur bréf í nýsköpunarfyrirtæki innan 30 daga.

Virðisaukaskattur

Virðisaukaskattur verður 25,5% í almennu þrepi frá 1. jan. 2010 (var 24,5% áður).
Virðisaukaskattur í lægra þrepi er óbreyttur, verður áfram 7%.

Álagning opinberra gjalda 2010

Fjármagnstekjuskattur

Lagður er 10% tekjuskattur á allar fjármagnstekjur ársins 2009. Til viðbótar er lagður 5% skattur á fjármagnstekjur tímabilsins júlí-desember, sem eru umfram kr. 250.000 á mann.
Frítekjumark manna vegna leigutekna á tímabilinu júlí-desember er 30%.

Barnabætur

Ekki er heimilt að skuldajafna barnabótum á móti opinberum gjöldum.
Vaxtatekjur koma nú inn í tekjustofn til útreiknings á barnabótum, en voru undanþegnar áður.
Fjárhæðir barnabóta eru að öðru leyti óbreyttar frá fyrra ári.

Vaxtabætur

Allar fjárhæðir og reglur um vaxtabætur eru óbreyttar frá fyrra ári.
Greiðsluaðlögun hefur ekki áhrif á vaxtagjöld til útreiknings vaxtabóta.

Hátekjuskattur

Til viðbótar við almennan tekjuskatt og útsvar er lagður sérstakur 8% tekjuskattur (hátekjuskattur) á tekjuskattsstofn umfram kr. 4.200.000 á tímabilinu júlí-desember 2009.

Auðlegðarskattur

Á nettóeign einhleypings umfram 90 milljónir kr. og nettóeign hjóna og samskattaðs sambúðarfólks umfram 120 milljónir kr. er lagður 1,25% auðlegðarskattur. Auðlegðarskattur er ekki lagður á félög.

Um hlutabréf:

Við ákvörðun auðlegðarskattsstofns skal telja hlutabréf í félögum sem skráð eru í kauphöll eða á skipulegum tilboðsmarkaði fram á markaðsvirði í árslok. Sá sem á hlut í félagi sem ekki er skráð í kauphöll eða á skipulegum tilboðsmarkaði skal telja fram til auðlegðarskattsstofns hlutdeild sína í skattalegu bókfærðu eigin fé félagsins eins og það er talið fram í skattframtali félagsins.

Á framtali 2010 verða hlutabréf talin fram á nafnverði, eins og tíðkast hefur. Þann hluta virðis eignarhluta í félagi sem er umfram nafnverð eða stofnverð, sbr. ofanritað, skal telja fram í skattframtali 2011, 2012 og 2013.

Auðlegðarskattsstofn vegna áranna 2009, 2010 og 2011 skal því endurreikna við álagningu opinberra gjalda 2011, 2012 og 2013 með tilliti til viðbótareignar, þ.e. mismunar á nafnvirði og raunvirði hlutabréfa eins og það er skýrt hér að ofan. Sá mismunur sem myndast við þann endurreikning skal skattlagður við álagningu opinberra gjalda 2011, 2012 og 2013, hjá þeim sem eru með nettóeign umfram 90 eða 120 milljónir króna. Upplýsingar um mismun/viðbótareign munu koma fram á hlutafjármiðum 2011, 2012 og 2013.

Tryggingagjald

Tryggingagjald er 5,34% vegna launa sem greidd voru janúar-júní 2009, en 7% vegna launa sem greidd voru júlí-desember.

Álagning opinberra gjalda 2011

Fjármagnstekjuskattur

Frítekjumark vegna vaxtatekna er 100.000 kr. á mann.
Frítekjumark vegna leigutekna manna af íbúðahúsnæði er 30% af leigutekjum.
Frítekjumark gildir ekki um arð, söluhagnað og leigutekjur af öðru en íbúðarhúsnæði.

Skattlagning lögaðila

Tekjuskattur hlutafélaga, einkahlutafélaga og samvinnufélaga verður 18%.
Tekjuskattur annarra lögaðila verður 32,7%. Gildir það m.a. um sameignarfélög, þrotabú og dánarbú.

Stuðningur við nýsköpun

Fyrirtæki sem hlotið hafa staðfestingu Rannís sem nýsköpunarfyrirtæki eiga rétt á sérstökum frádrætti frá álögðum tekjuskatti. Frádrátturinn nemur 15% af útlögðum kostnaði vegna rannsóknar- og þróunarverkefna. Hann getur orðið allt að 50 millj. kr. fyrir hvert rekstrarár og 75 millj. kr. ef um er að ræða aðkeypta þjónustu.

Ef álagður tekjuskattur er lægri en leyfilegur frádráttur kemur mismunurinn til útborgunar.