Yfirlit

Þessi lýsing er gerð fyrir tæknifólk sem sér um skil upplýsinga frá fjármála- og lánastofnunum til ríkisskattstjóra. Hér er átt við banka, sparisjóði, lífeyrissjóði, fjármögnunarfyrirtæki og aðra þá aðila sem skila upplýsingum til áritunar á skattframtöl. Nánari tímasetningar á skilunum má finna á vef ríkisskattstjóra en gert er ráð fyrir að skilum sé lokið í eigi síðar en 10. febrúar ár hvert. Gert er ráð fyrir að gögnum sé skilað til ríkisskattstjóra á diskum eða þau send í tölvupósti. Mælt er með að gögn í tölvupósti séu dulkóðuð (WinZip, 7-Zip). Æskilegt er að öll skil séu samkvæmt þessari lýsingu í XML formi. Mælst er til þess að þeir aðilar sem hafa fram til þessa skilað Excel- texta- eða csv skrám leitist við að breyta skilamáta sínum. Áfram verður þó fyrst um sinn tekið við skrám sem ekki falla undir þessa skilgreiningu.

Tekið skal fram að hér er fyrst og fremst um að ræða tæknilega lýsingu þó að leitast hafi verið við að hafa lýsingar einstakra svæða eins nákvæmar og unnt er. Í framtalsleiðbeiningum hvers árs má finna nánari skýringar og reglur um hvernig einstök svæði skulu útfyllt.
Eldri lýsingar (framtalsyfirlit, fasteignalán og önnur lán) eru úreltar. Þau skil skulu nú vera samkvæmt þessari skilgreiningu. Lýsingar á eldri skilum verða hafðar aðgengileglegar fyrst um sinn:

Bankaupplýsingar/framtalsyfirlit.
Fasteignalán..
Önnur lán

Í breytingasögu má finna upplýsingar um breytingar sem gerðar hafa verið á þessari lýsingu. Breytingasagan er aðgengileg sem efnisstraumur (RSS) sem hægt er að tengjast og fá skilaboð þegar henni er breytt.

Kerfislýsing.

XML sniðið er skilgreint í einu heildarskjali sem er skipt í einstaka kafla og undirkafla. Sérstök lýsing er á þeim villuprófunum sem unnt er að gera við innlestur ásamt XML sniði (schema) fyrir þær. Hér fyrir neðan er yfirlitsmynd sem sýnir uppbyggingu þeirra upplýsinga sem skila þarf. Allir kaflarnir eru valkvæmir (optional) þannig að hver stofnun skilar einungis þeim köflum sem við á.
Meðfylgjandi eru nokkur dæmi um XML skjöl:

Allir kaflar eru útfylltir.
Fasteignalán frá lífeyrissjóði.
Bílalán frá fjármögnunarfyrirtæki

Ábendingar.

Í prófunum og í fyrri skilum hafa komið upp nokkur atriði sem þykir rétt að benda sérstaklega á hérna:
Mínus tölur eru aldrei leyfðar.
Auðkennisnúmer í kaflanum fyrir viðskiptastofnun verður að vera 4 stafir, ekki fleiri og ekki færri. Gert er ráð fyrir að ríkisskattstjóri úthluti þessu auðkenni.
Kaflarnir verða að vera í sömu röð og tilgreint er í sniðinu (schema). Dæmi: Kaflinn HlutabrefKaup verður að koma á undan kaflanum HlutabrefSala.

Vidskiptastofnun

Vidskiptamaður

InnstaedurInnlendar

Kafli 3.1 í framtali: Innstæður í innlendum bönkum og sparisjóðum. Þegar um er að ræða bankareikninga sem eru í skuld en hafa gefið vexti á árinu kemur 0 í stakið Innstaeda en stökin Vaxtatekjur og Stadgreiðsla eru fyllt út. Reikningur sem er í skuld eða hefur borið vaxtagjöld á árinu er tilgreindur í undirkaflanum SkuldirOgVaxtagjold.
Þegar fleiri en eitt skattþrep eru á árinu (2009) skal tilgreina heildarupphæð vaxtatekna og staðgreiðslu ársins í stökin Vaxtatekjur og Stadgreidsla. Í kaflanum Threp skal tilgreina þann hluta sem fellur til síðari hluta ársins (júlí til desember). Athugið að hér er um að ræða upphæðir sem eru "þar af" og eru innifaldar í heildarupphæðunum. Á árinu 2009 eru tvö þrep í gildi og skal setja vaxtatekjur og staðgreiðslu síðari hluta ársins (júlí til desember) í undirkaflann Threp.

Hér kemur lýsing á undirkaflanum Threp. Hér skal tilgreina þann hluta vaxtatekna og staðgreiðslu sem tilheyra öðru skattþrepi. Á tekjuárinu 2009 eru tvö þrep í gildi og skal setja vaxtatekjur og staðgreiðslu síðari hluta ársins (júlí til desember) í undirkaflann Threp. Ef sama skattþrep gildir allt árið þarf ekki að tilgreina þennan kafla. Á tekjuárinu 2009 verður þessi kafli að vera með. Ef engar vaxtatekjur eða staðgreiðsla falla á síðari hluta ársins skal setja 0 í upphæðasvæðin. Athugið að hér er um að ræða upphæðir sem eru "þar af" og eru innifaldar í heildarupphæðunum.

Fasteignalan:

Þegar lán er yfirtekið þarf að uppreikna afborgun af nafnverði samkvæmt vísitölu við dagsetningu yfirtöku. Það er að segja uppreiknaðar afborganir = vísitala yfirtökudagsetningar / grunnvísitölu * afborgun af nafnverði. Í þessum tilvikum verður að fylla út stakið UppreiknadarAfborganir og er það síðan sett í reitinn afborgun í  kafla 5.2 á framtali í stað staksins AfborgunNafnverds hér að ofan.

SkuldirOgVaxtagjold:

Kafli 5.5 á framtali: Skuldir og vaxtagjöld. Kaflinn hér á undan á við þau lán sem koma til greina í kafla 5.2 í framtali, lán vegna kaupa eða byggingar íbúðarhúsnæðis til eigin nota. Þessi kafli á við kafla 5.5 í framtali: Aðrar skuldir og vaxtagjöld, það er lán sem ekki koma til greina við útreikning á vaxtabótum.

VerdbrefOgKrofur:

Kafli 3.3 á framtali: Innlend og erlend verðbréf og kröfur. Stofnsjóðsinneign.

Hér kemur lýsing á undirkaflanum Threp. Hér skal tilgreina þann hluta vaxtatekna og staðgreiðslu sem tilheyra öðru skattþrepi. Á tekjuárinu 2009 eru tvö þrep í gildi og skal setja vaxtatekjur og staðgreiðslu síðari hluta ársins (júlí til desember) í undirkaflann Threp. Ef sama skattþrep gildir allt árið þarf ekki að tilgreina þennan kafla. Á tekjuárinu 2009 verður þessi kafli að vera með. Ef engar vaxtatekjur eða staðgreiðsla falla á síðari hluta ársins skal setja 0 í upphæðasvæðin. Athugið að hér er um að ræða upphæðir sem eru "þar af" og eru innifaldar í heildarupphæðunum.

Hlutabref:

Sundurliðunarblað 3.19: Hlutabréf. Upplýsingar samkvæmt þessum kafla um hlutafjáreign í árslok eru færðar á sundurliðunarblað til hagræðis fyrir framteljanda. Þessi kafli getur innihaldið undirkaflana HlutabrefSala og/eða HlutabrefKaup.

HlutabrefKaup:

Þessi undirkafli er undirkafli kaflans Hlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

HlutabrefSala:

Þessi undirkafli er undirkafli kaflans Hlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

ErlendHlutabref:

Sundurliðunarblað RSK 3.19: Hlutabréf. Upplýsingar samkvæmt þessum kafla um hlutafjáreign í árslok eru færðar á sundurliðunarblað til hagræðis fyrir framteljanda. Þessi kafli getur innihaldið undirkaflana ErlendHlutabrefSala og/eða ErlendHlutabrefKaup.

ErlendHlutabrefKaup:

Þessi undirkafli er undirkafli kaflans ErlendHlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

ErlendHlutabrefSala:

Þessi undirkafli er undirkafli kaflans ErlendHlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

EydubladRSK315:

Eyðublað 3.15: Sala/innlausn verðbréfa. Sjá nánar leiðbeiningar fyrir eyðublað 3.15 þar sem fram kemur nákvæm lýsing á einstökum upphæðarreitum ásamt upplýsingum um upphafsverð markaðsverðbréfa og gengi hlutdeildarskírteina.
Þegar þessum kafla er skilað þarf að gæta vel að því að tilgreina ekki vaxtatekjur og staðgreiðslu líka í kaflanum VerdbrefOgKrofur. Upplýsingum samkvæmt eyðublaði 3.15 er summerað upp í kafla 3.3 á framtali og þar af leiðandi má ekki tilgreina þær þar.

Hér kemur lýsing á undirkaflanum Threp. Hér skal tilgreina þann hluta vaxtatekna og staðgreiðslu sem tilheyra öðru skattþrepi. Á tekjuárinu 2009 eru tvö þrep í gildi og skal setja vaxtatekjur og staðgreiðslu síðari hluta ársins (júlí til desember) í undirkaflann Threp. Ef sama skattþrep gildir allt árið þarf ekki að tilgreina þennan kafla. Á tekjuárinu 2009 verður þessi kafli að vera með. Ef engar vaxtatekjur eða staðgreiðsla falla á síðari hluta ársins skal setja 0 í upphæðasvæðin. Athugið að hér er um að ræða upphæðir sem eru "þar af" og eru innifaldar í heildarupphæðunum.
Ef stakið AdurVextirAArinu er 0 eða er sleppt má sleppa þessum undirkafla.